يمه عساني ماازعجتك يمه
احس في صدري عذاب وحريقه
يضمني حزني وانا حيل اضمه
كنه ضناي وشوفته شوف ضيقه
يمه وانا بنتك واذا قلت يمه
شوفي لحزني المواجع طريقه
ضميني لصدرك ثمانين ضمه
ضمة عشيق مايفارق عشيقه
وكانك سالتي خاطرك ويش همه
بعلمك وابي جواب الحقيقه
ليه الزمن اليوم مافيه ذمه
وليه الطعون اللي بظهري عميقه
وليه الولد يبوق في بنت عمه
وليه الرفيق يخون عشرة رفيقه
وليه انخدع في ناس كانت مهمه
ويوم اكتشفها وهم ماله حقيقه
وليه الذي وقت الرخا كان قمه
ووقت الشدايد مالقينا طريقه
وليه الحسد يمي من عيون عمه
وليه الخطا لو قلت كلمه رقيقه
ازيد يمه والا كافي مغمه
اشوف عينك من هماها غريقه
يمه دخيلـــــــــــــك آســــــــــفه آآه يمه
كني جرحتك وانتي اغلا رفيقه




مما راق لي

الله يخليلك والديك ويدومهم لك انشاء الله وتبرهم ويعطيك العافية على ذوقك الرايق واكيد ضمة الوالده تسوى اكثر من مليون ضمه وضمه ولفت ضمة امي لين الكبر ووصلتنا القمه

وليه الرفيق يخون عشرة رفيقه
وليه انخدع في ناس كانت مهمه
ويوم اكتشفها وهم ماله حقيقه
وليه الذي وقت الرخا كان قمه
ووقت الشدايد مالقينا طريقه


اعجبتني هذي الابيات صراحة ذوقك رفيع . تستاهل تلعب اساسي